E lē o mafai e le faamālōlō lē tumau ona taofiofi le sui faipule o le Labour, Gaurav Sharma ma o le faate’a le tala le faaiuga lea ua vaavaai iai.
O Sharma o lea ua tasi le vaiaso o ia toe faasalalau tuua’iga faasaga i ta’ita’i o le pati, ma o tuua’iga fou ua ia faasalalau anapo pei ona ta’ua e le Newshub, e pepelo tala a le palemia Jacinda Ardern faato’ā maua le tonu e faamālōlō ia i le fono na faia i le Aso Lua.
I saunoaga a le palemia na ia teena ai faamatalaga na muamua iloa le faaiuga o Sharma ae e le’i fono i le Aso Lua, peitai, i le telefoni na pue e Sharma o loo ia toe faasalalauina ai le sui o le pati na vili mai lava ia te ia ina ua uma le fono i le po o le Aso Gafua ma faailoa mai e tapena mo lona iuga i le aso e sosoo ai.
Ae mai le sui a faipule, pau lona mana’o ia faia se su’esu’ega e su’esu’e ai le sauaina poo le bully i totonu o le pati.
O le toe faia ai o faasalalauga a Sharma anapo ua fesiligia ai nei lona toe foi i le pati ona o lea ua ia soli le avanoa mulimuli ua tuuina atu iai, peitai i lona manatu ua ia tapena iai pe afai o lea.O le Aso Lua lea na amata faamālōlō ai Sharma fuafua e toe iloilo ia Tesema, peitai e foliga mai ua tuai mai Tesema.
