Ua tuua’ia e Saina Ausetalia i le aafia i ni faiga faailogalanu ma soligatulafono e faaosofia e le ita.

O le tali lea a Saina i nisi o popolega ua lāgā e faatatau i le sauāina o aiātatau i Xinjiang ma Tibet.

O le amepasa o Ausetalia i Malo Aufaatasi o James Larsen na ia faasoa se pepa o faamatalaga fai faatasi ma atunuu e 14 i le vaiaso nei ua uuna’ia ai Saina ina ia faatumauina ona matafaioi i mataupu tau aiātatau faavaomalo i le mae’a ona maua ane faamatalaga o nisi o mataupu tau aiātatau ua oia.

Peitai fai mai le sooupu o le matagaluega o le va i fafo a Saina o Lin Jian, o mataupu ia o loo ta’ua, o mataupu faalotoifale a Saina ma toe tusilima mai ai ia Ausetalia.

Fai mai le sui o Saina o atunuu e pei o Ausetalia, Amerika ma atunuu mai Sisifo o le lalolagi e masani ona ‘aloese mata mai mataupu lē sa’o o loo tulai mai i o latou lotoifale.

O se faamatalaga na fesiligia ai le Palemia o Ausetalia a o iai i le fonotaga a le CHOGM i Samoa na ia faailoa ai o Ausetalia e tu mo mataupu o loo aofia ai ma ua mae’a foi ona o latou talanoaina mataupu tau aiātatau ma le atunuu o Saina ma sa faia i se auala e pei ona masani ai ma malamalama. 

Puna o Faamatalaga: https://www.9news.com.au/national/china-accuses-australia-of-racism-hate-crimes-after-human-rights-abuses-concern/e3208649-5e91-4bd3-8d86-ff59857f4558