I se lipoti mai Amerika ua faailoa ai e le newshub ua ave i le  tulafono e le setete o Kansas i Amerika le kamupani a le Pfizer, tuuaia ai i le faaseseina o tagata lautele e faatatau i lana tui puipui o le Koviti-19 sa natia ai ni lamatiaga ma faia ai nisi faamatalaga sesē e faatatau i lona aoga. O lea lipoti ua faailoa ai o le mataupu lea ua i luma o le faamasinoga faaitumalo i Thomas County, ta’ua ua oia ai le tulafono o le Kansas Consumer protection act.

Fai mai le loia sili a Kansas e tele faamatalaga taufaasese mai le  Pfizer agai i tagata lautele, o ia faamatalaga sa faia  i se taimi sa matuai manaomia ai  e tagata amerika le mea moni. Fai mai le finau a le vaega lea na amata mai lava i le taimi faatoa amata faaaoga ai ia tui puipui i le amataga o le 2021 sa natia mai ai lava e le pfizer faamaoniga e iai sootaga ole tui lea ma ni nai faafaigata i le taimi o se ma’itaga ma e ono faaletonu ai se maitaga aemaise le iai o se aafiaga i le fatu, inflammation e faaigoa o le myocarditis ma le  pericarditis. O le tali a le Pfizer  i le mataupu lea e faapea o loo sao le tuipuipui ma e faavae mai suesuega faasaienisi ma e iai lo latou talitonuga e leai se agavaa o lea mataupu i le tulafono.

Puna o Faamatalaga: https://www.newshub.co.nz/home/world/2024/06/covid-19-kansas-accuses-pfizer-of-misleading-public-about-vaccine-in-lawsuit.html