Fesiligia pe aisea ua lē tutusa ai le toatele o tagata vāea a le matagaluega o le va i fafo ma isi matagaluega a le malo.

O lea na sau le faatonuga mai le malo i minisita, Palemene faapea matagaluega ia faasao mai le 6.5% poo le 7.5% mai tupe faaalu, peitai e sau le matagaluega o le va i fafo e na o le 1%.

Ina ua fesiligia le Palemia, Christopher Luxon i le afiafi ananafi pe aisea ua lē tutusa ai le matagaluega a le va i fafo ma isi, peitai na tali le Palemia o lea o loo mafai ona maua tupe faasao mai nisi o fetuunaiga a le matagaluega ma o loo faamalieina.

Peitai, mai le taitai o le vaega a le Labour, Chris Hipkins, o loo ia tuua’ia, o le minisita o le matagaluega, Winston Peters lea foi ua faasalavei ma i lona talitonuga o le mafuaaga lea.

O ni manatu o loo teena e Peters ma fai mai, e lei iai i totonu o le fetuunaiga o vāea a le matagaluega.

Peitai mai le minisita o tupe Nicola Willis, e lē na o le matagaluega a le va i fafo e lei ausia le maualuga faatulagaina o tupe faasao e faapea foi le matagaluega o tagata e iai manaoga faapitoa ma leoleo.

Puna o Faamatalaga: https://www.stuff.co.nz/politics/350282580/nz-politics-live-chris-hipkins-says-winston-peters-shielded-mfat-job-cuts