O le taeao nei ua tuua ai e le vaega a le ami a Niu Sila le atunuu ae o e fesoasoani i le ami a Ukraine.
O le vaega lenei e 120 sui ua o e faamautu i Peretania auā toleniga.
Na iai le minisita o le Defence, Peeni Henare i le nofoaga autu o le ami a Niu Sila i Whenuapai i Aukilani ma na ia faamalosi ai i le aumalaga, aemaise o lea ua o i le taimi ua sau ai tala o le fasiotia o tasi o fitafita Niu Sila.
Na toe faamanino mai ai foi e le sui o le ami i le taeao nei, e leai se isi o le aumalaga ua tuua Niu Sila i le asō e ave ni aso mālōlō a o iai i Peretania mo toleniga.
