O le Aso Lulu o lenei vaiaso na alia’e mai ai se tasi o faalavlave tau taavale mata’utia i Tāmaki Drive, i Aukilani, e pei ona tapunia ai mo se taimi ona o aafiga o lea faalavelave.
O lea faalavelave e pei ona lipotia mai le lavevea ai o le pasi la’upasese ma se tama’i taavale, o le mata’utia tele o lea lavea na iu ai lava ina sasao ai se afi ma faatama’ia uma ai ia taavale.
E to’atasi se tagata na maliu ai i lea faalavelave, ma o lē sa aveina le pasi la’upasese.
Faamauina le to’atele o sui o faalavelave faafuase’i na iai i le faaitu na tula’i ai le faalavelave, sa taumafai e faatino galuega o le tau tineia o le mū ae o le tali atu i nisi o tagata sa i luga o le pasi, aemaise o le taumafai e faatino vaega uma mo le saogalemū o le lautele.
Ma i le tula’i mai ai o lea faalavelave, ua tuuina mai ai upu faamafanafana a le pulenuu o Aukilani, Wyane Brown.
O faamaisega i aiga faavauvau o le alii avetaavale ona o le fano ai o lona soifua i lenei faalavelave ua tupu faafuase’i.
I upu faamafanafana o le alii pulenuu na ia faamanatu mai ai le ma’ale’ale tele o le ola, ma e tatau ona omai faatasi e fetausia’i ma alolofaa’i, ona e lē mailoa lava le taimi e tuua ai le mafutaga.
Na oo mai faamaisega a le sui pulenuu, Desley Simpson, ma ia faaalia o se faalavelave ua faate’ia ai le to’atele.
E le’i manofonofo foi le kamupani o le Kinetic New Zealand le faaalia ai foi o latou manatu faanoanoa i le maliu ai o lea tagata faigaluega.
Ua faamauina le toe tatala ai o le auala ma ua toe amata faasolo foi ona feoa’iga o pasi ma taavale.
Puna o Faamatalaga: https://www.nzherald.co.nz/nz/auckland/auckland-bus-accident-mayor-wayne-brown-desley-simpson-pay-tribute-to-dead-bus-driver/53TDARP4ZZCENFA4U5PAC2C5IY/
