O le fuafuaga e talimalo Samoa Tuto’atasi i feiloa’iga ma talanoaga o le Atoa o Samoa i le va nonofo ai ma ta’ita’i o le faigamalo a Amerika Samoa, ua lē taunuu le faia o ia talanoaga i le masina fou o Setema, ae ua tuu atu i le masina o Oketopa.

Ua faailoa mai e le ta’ita’i o le Malo le afioga i le tamaitai Palemia, ua logo mai e le faigamalo a Tutuila ma Manu’a e iai ni tuatuagia tāua, o le mafuaaga lea o le toe talosaga mai e tolopo.

Ae o le avanoa na faatalanoa ai le ta’ita’i o le Malo na toe folasia ai e le afioga Fiame Naomi Mataafa, le tulaga ese o le feiloa’iga o le Atoa o Samoa i le faafesaga’i ai ma le Kovana Sili le Lutena Kovana, o le Peresetene o le Senate ma le Fofoga Fetalai o le maota fono o Amerika Samoa, ona o se taimi muamua lea ua faatasia uma ai ia vaega o le pulega o le Malo i Sasa’e e le’i masani ai i feiloa’iga nei i tausaga ua mavae.

Se faatalanoaga ma le tamaitai Palemia le afioga Fiame Naomi Mataafa.