O le faatauto ai o le sui o le maota ia Soraya Peke-Mason o le a tusia ai i talafaapolopito o Niu Sila le aofai o tamaitai i le fono.
Mo le uluai taimi o le a tutusa ai nofoa o le palemene e nofoia e itupa e lua, o se tala fiafia lea e le gata i le sui faipule e le o toe mamao faatauto ae faapea le tamaitai Palemia, Jacinda Ardern.
O le aso 25 o le masina nei e faatauto ai Soraya ma o ia lea ua suia Kris Faafoi lea ua tuua polokiki e pei ona faailoa mai i le masina o Iuni.
E ese mai i le itupa o tamaitai, o se fiafiaga foi i le Fofoga o le maota, o le uluai faatautoga lea o le a ia faia, aemaise ai o Soraya o lona lava tausoga.
