O le ata o se lipine uliuli e faailoa ai le manatuaina o nai tagata ua maliliu i le mafuie i Turkey ma Suria, ua tuuina i luga o le Opera House i Sini e faailoa ai le auai faatasi o tagata i Sini i mafatiaga mai le mafuie tele na aafia ai ia atunuu.
E miliona tala ua foaiina e le premier o Niu Sa Uelese i le UNICEF mo galuega e fesoasoani ai i ē ua aafia i le mafuie faatasi ai ma le tuuina ane o se fesoasoani mai le Fire and Rescue NSW e ala i tagata faigaluega ma ua faaoo ai faamaisega i aiga o e ua aafia ma le atunuu atoa aemaise ai le aiga o se tamā mai Ausetalia ua faamaonia ua maliu ai foi.
O le masani lea ua iai i le Opera House i lenei vaitau, ua faatāua ai foi ituaiga tulaga faapea e faailoa ai le toatele o tagata Ausetalia aemaise mai Niu Sa Uelese lava ia e tutu faatasi ma e mafatia i faalavelave faalenatura ma isi mafuaaga e tuuina atu ai se agaga faamalosiau i nai tagata ua aafia ma o latou aiga.
