O Ausetalia, Amerika ma Iapani o le a o latou faatino se isi faiga fou e faatatau i puipuiga i le ea, new air defence strategy e pei ona saunoa ai le Peresetene o Amerika, Joe Biden.

O le faiga faapaaga lenei e pei ona iai le lipoti a le 9News ua folafola ma i se feiloaiga ma le autusitala na faia e Biden ma le Palemia o Iapani o Kishida i le Fale Paepae i Uosigitone ma ua atili vavalalata ai ma sootaga i le va o atunuu e tolu i se gaioiga e faamamao ese ai Saina.

Ua ta’ua o le a silasila ai i faiga faapaaga e aofia ai le faasoaina o faamatalaga tau le puipuiga o meatau e tali atu ai i faamata’u mai meatau faatonutonu alualu mamao.

Ua iai le fuafuaga e unaia le tulaga tau le puipuiga ma le saogalemu ma galulue faatasi ai le Indo Pacific i se vaitaimi i le malosi o le agai ane a Saina i le itulagi.

E lē o mafai ona faailoaina i le taimi nei aiaiga ma tuutuuga e faatatau i lenei maliega.

Puna o Faamatalaga: https://www.9news.com.au/national/australia-us-and-japan-launch-air-defence-strategy-for-pacific/fdf769f2-01f4-4d6e-92f7-d3b172e8ef78