Ua tutu faatasi atunuu o le Pasefika e pei o Tonga ma Papua Niu Kini e lagolago taumafaiga a le Toa Samoa i le Ipu o le lalolagi, e pei ona faailoa e le afioga i le Sui Palemia, i sona finagalo i luga o auala o faasalalauga a le Malo.
Ua faailoa e le afioga Tuala Tevaga Iosefo Ponifasio, o le mae’a o le taaloga a le Toa Samoa ma Tonga i quarterfinals na feiloai ai ma le sui o le aiga Tupu o Tonga ma se sui o lea Malo o le minisita o taaloga ina ua mae’a lea taaloga ma tatou manumalo ai.
O le saunoaga a le Sui Palemia o se lagolago tāua tele lea, a o lei faia le taaloga ma Egelani, ma o le itu mautinoa o lea foi o le a faaauau le lagolago a Tonga, ma Papua Niu Kini ma isi motu o le Pasefika i le sauni ai o le Toa Samoa i le sailiga o le siamupini ma Ausetalia o se ‘au ua matua iloga lona malosi i le lakapi liki.
Se vaega o le saunoaga a le sui Palemia le afioga Tuala Tevaga Iosefo Ponifasio i auala o faasalalauga a le malo, a o lumanai le taaloga ma Egelani.
