Ua faailoa e le kalapu taalo a le Malisi i Samoa le avea ai nei o le kamupani gaosi ‘avamalosi o le Vailima ma lagolago tutasi i ana polokalame tau taaloga mo lenei tausaga.
O le Aso Lua o lenei vaiaso ua malaga atu ai le aulakapi ta’ito’afitu a le Malisi i le taamilosaga lona 50 o le lakapi fitu o le Fiji Bitter e faia i Fiti i le faai’uga o lenei vaiaso.
O le taamilosaga lakapi ta’ito’afitu a le Malisi mo le tuto’atasi i le masina o Iuni o le isi lea ana polokalame tau taaloga ua iai foi le lagolago tutasi a lea kamupani.
Ua momoli ai le faafetai a le kalapu taalo a le Malisi, i le susuga Asiata Charlie Vaai o le pule faatonu o le Vailima i le lagolago malosi atu i polokalame mo le siitia o le atina’e o taaloga e lē gata o le kalapu ae o le atunuu atoa.
