Ao tapena atu I le faamanatuina o le aso malolo e manatua ai le tuumalo o le tamaitai tupu, Queen Elizabeth, e iai nisi o loo nenefu poo a tulafono o le a faamamalu I lea aso.

O le Aso Gafua a sau le aso 26 o Setema na vave ona pasia I le tulafono o se aso malolo e na o le faatasi lava ona faamamalu e Niu Sila, ma e iai auaunaga o le a tatala e pei ona masani ai, e iai foi nisi o le a tapunipuni.

I faleaiga ma faleoloa o lea o le a tatalaina pea I le Aso Gafua, seia vagana ai nisi o auaunaga a le council a Ueligitone o le a tapunia.

Mai le minisita o falefaigaluega ma le saogalemu, Michael Wood, e leai nisi sa faaopoopo mo fefaatauaiga I lea aso, ma e faamamalu lava foi tulafono masani mo tagata faigaluega o le a galulue pea I lea aso malolo.

Ae I polokalame faalemalo, o lea o le a faataunuuina le sauniga aloaia I Ueligitone ma e faasalalau tuusao mai e televise.

Ua iai foi le minute e fifilemu ai tagata uma ma e faamamalu lea pe a ta le itula e 2
Ae I isi vaega o Niu Sila, o lea foi o le a faia le sauniga a Kalaiesetete I le afiafi o le Aso Sa, ao Aukilani o le afiafi o le Aso Gafua.

Ae I le aso malolo a Ausetalia ananafi e manatua ai le tuumalo o le tamaitai tupu, o lea sa o faatasi le faanoanoa ma solo tetee e faatalosagaina ai le o ese o Ausetalia ma lalo o faauluuluga a le aiga tupu