O le tulaga maualuga ua oo iai le aulakapi liki o le Toa Samoa i le Ipu o le lalolagi faatoa mae’a atu nei, sa le mautonu ai pe o le a siitia loa lona tulaga i le vaega o aulakapi liki i le tulaga muamua poo le Tier 1.
Peitai o lea ua faailoa e le Peresetene o le taaloga i Samoa ua faafiafiaina i le faaiuga ua tumau ai pea Samoa i ‘au i le Vaega 2 poo le Tier 2. O le lelei o lea tulaga o le a faaauau ai pea ona saoloto alo ma fanau a le atunuu o loo taaalo i ‘au a isi atunuu i fafo e filifili e taaalo mo le Toa Samoa.
O le avanoa na faatalanoa ai le Peresetene i lea tulaga na fesiligia ai foi i se tapenaga mo le malaga mai i le atunuu o lana aulakapi liki le Toa Samoa.
Se faatalanoaga ma le Peresetene o le pulega o le lakapi liki i Samoa le afioga Tagaloa Faafouina Su’a.
