E ui o le a lē malaga le tamaitai kapeteni o le Silver Ferns, Ameliaranne Ekenasio i le taamilosaga o le Nations Cup i le masina fou i Egelani ae ua lipotia i le asō o le a tumau pea lana lagolago mo le ‘au ma lona tofiga ae na ia faaalia i le One News afai ae faia ni suiga a le ‘au o le a ia taliaina foi sea faaiuga.
Talosaga Ekenasio e lē auai i le taamilosaga lea ina ia maua sina taimi ma si ona aiga aemaise ua toeititi 10 tausaga o iai i le Ferns.
E lei faigofie le faaiuga a le tamaitai kapeteni e faamisi le taamilosaga lea ae na ia ta’ua e fia faia se malologa ma toe faafou foi le malosi.
O Ekenasio o le kapeteni lona 27 o le Silver Ferns, ua 32 tausaga o lona soifua ma e toalua nai ona alo.
