O le asō e tulai ai i luma o le faamasinoga se alii ua molia i le faalavelave ua maliu ai se tamaititi 10 tausaga i se faalavelave tau taavale na tupu i Hunter Region i le tausaga na tea nei.
O le masina o Oketopa o le tausaga talu ai na faavave ane ai le fesoasoani faavavave e tali atu i lipoti o se taavale o le Toyota Prado ua see ese ma le auala ma taavalevale.
O le isi o le pasese o lea taavale o si tamaititi lea 10 tausaga na uma ai lava lona ola i lea nofoaga.
Na aveina atu le avetaavale o le taavale o se alii 46 tausaga ma le isi pasese o le teineititi 15 tausaga i le falemai mo togafitiga.
O lē o le a tulai i le faamasinoga ua molia i le avetaavale matautia ua mafua ai manuaga, atoa ai ma le fasioti tagata paivalea.
