O le aso e tula’i ai i luma o le faamasinoga se tamaitai o loo molia i le fasioti tagata, feta’ua’ina lona fasiotia o se alii i le itu i Saute o Sini.
Valaau ane le fesoasoani faavavave i se magāala i Dunmore i le pitonuu o Shellharbour i le aoauli ananafi ina ua maua atu se alii 25 tausaga o loo manu’a tigaina.
Sa faia togafitiga a paramedics peitai na maliu lava lē na aafia.
Na amata faatino mai ai le su’esu’ega a leoleo ma pu’e ai loa le tamaitai ua molia, e 35 tausaga le matua, na pu’e mai se fale i Shellharbour lava i le taeao analeila, ave atu i le ofisa o leoleo ma faia loa iai moliaga.
E iai le talitonuga o leoleo sa iai tagata i le nofoaga na tupu ai le faalavelave ma o loo aga’i iai le latou su’esu’ega i le asō.
Puna o Faamatalaga: https://www.9news.com.au/national/woman-charged-with-murder-over-stabbing-south-of-sydney/1ebd716a-eb0e-493b-a824-02118bdbfa00
