I le faalauiloaina mai o le lipoti, Abuse in Care e pei ona galulue ai le komisi sa filifilia mo lea faamoemoe, ua faailoa ai sa faatino faamalosi le vaetamaina o nisi, sasa ma lē fafagaina nisi na agai iai le suesuega.

Ua ta’ua i le NZ Herald i le asō o le lipoti lenei ua faamatuu mai o i latou na tausia e le setete ma ua faamatala ai soifuaga o nai tamaitai ma teineiti na aveese faamalosi mai a latou fanau ma vaetama iai nisi mai le vaitau o le 1950 agai mai le 1980 ma e tulaga ese faamaumauga e pei ona ta’ua ai.

E ono tausaga o faatino lenei suesuega ma tuufaatasia le lipoti e pei ona faalauiloa aloaia i le aso ananafi lea na saunoa ai le Palemia, Christopher Luxon o se aso pogisa ma faanoanoa ina ua alia’e faai’uga o ia suesuega.

Ua ia saunoa foi o le a faia se faatoesega aloaia a le Malo i le mataupu lenei i le aso 12 o Novema.

Puna o Faamatalaga: https://www.nzherald.co.nz/nz/abuse-in-care-inquiry-report-reveals-forced-adoptions-starvation-and-beatings-in-unmarried-mothers-home/HRQUDOQNNBC7RJL34C6DGENFLE