E foliga ua tua leaga le faamanatuina o le Melbourne Cup i le Aso Gafua ina ua lipotia mai i le aso ananafi o loo iai nei se alii ma se tamaitai i ni tulaga tigaina i le falemai ona o se faalavelave na tulai mai i le Northern Beaches i le po anapo o le Aso Gafua.
Ta’ua e le 7news o le e-scooter na tietie ane ai le toalua lea na lavea i le Northern beaches i le mae’a o se fiafia na faia o le Melbourne Cup sa auai ai.
Fai mai o le alii e 41 tausaga o loo koma ma i se tulaga tigaina a o le tamaitai 40 tausaga e foliga ua faasolo manuia peitai o le alii lea o loo tulaga tigaina.
Fai mai o le fetaulaiga ala i le faaitu lea na paka ai se taavale lea na lavea ai le scooter poo le tea o le 11 i le po o le Aso Gafua.
Fai mai leoleo e leai se isi o le toalua lea sa faia se pulou i le taimi na agai ane ai ae talitonuina o le toe foi atu i le fale mai le fiafia lea ae lavea ai loa le la scooter.
O loo faaauau suesuega i lea mataupu.
