E latalata i le tolu miliona o loo totogiina pea mo le fale sa faaaoga e le ofisa a le Immigration lea ua silia ma le tausaga talu ona tapuni.
O Aokuso o le 2021 na tapunia ai le ofisa a le Immigration a Niu Sila i Beijing, peitai e faatoa mafai ona momotu le lisi i le masina fou ma o le mafuaaga lea o le totogi pea o le rent lea ua $2.8 miliona ua toe faaalu ai e ui ua leva ona tapuni.
Na lipotia e le leitio a Niu Sila o le tausaga talu ai na totogi ai foi e le malo le gau e $284 miliona a le Immigration a Niu Sila ma o lea ua sii ai le tau e totogi mo visa levies lea ua tuu i luga i le 279%.
O le Immigration Niu Sila o loo faatupe i lalo o tuutuuga o le 2/3 o ana tupe e maua mai totogi o visa o loo faatalosaga ma levies, ae o le 1/3 e totogi e tagata totogi lafoga a le atunuu.
