Ua totogi foi e le faleoloa o le Kmart le faasalaga tupe e 1.3 miliona i le mae’a foi o lona lafoina o le silia ma le 200 afe o imeli i ana paaga, ua soli ai aiaiga o tulafono e faatatau i faiga taufaasese, spam laws.
Ua maua foi i suesuega a le ACMA le Australian Communications and Media Authority imeli ua lafoina i paaga mai ia Iulai 2022 ma Me 2023, lafoina i tagata ua lē o toe resitala i le auaunaga.
Ua maua foi i suesuega ua mafua ona solia aiaiga o le tulafono ona o ni mafuaaga e pei o faiga faatekonolosi, ma faaletonu i le system.
Ua faailoa foi e le pulega a le Kmart ua galulue malosi nei ia faamautu e lē toe tulai mai ia faaletonu i le lumanai.
