A itiiti mai pe fā aso o faia pea talanoaga i le va o le National, NZ First ma le ACT ma faatinoina i faletalimalo i Aukilani a o faatalitali pea le atunuu i se faigamalo fou.
Faailoa i lipoti a le televise tasi ua mae’a ioe le Palemia faaolioli o le atunuu e totogi e le au totogi lafoga ia faatalanoaga.
Fai mai a ia o le mataupu lea e malamalama lelei e totogi e tagata totogi lafoga e tauala mai i auaunaga faapalemene ma o tulaga lava ia faatemokalasi ma e talafeagai.
Na faailoa foi e Christopher Luxon o taitai uma o vaega faaupufai e tolu e aumau uma i Aukilani ma o loo taumafai i le vave e mafai ai ina ia faamautuina loa se faigamalo.
