Ua faamaonia mai e le Minisita o le Soifua Mālōlōina a Tonga, e to’alua ua maliliu i le dengue fever poo le fiva o ponaivi i le falema’i i Vaiola.
Ua ta’ua i le RNZ Pacific, o se pepe e 7 masina ma se teineitiiti e 19 tausaga le matua.
Fai mai e lua aso sa iai le 19 tausaga i le falema’i ae maliu loa e ui i togafitiga sa taumafai iai.
O le pepe e 7 masina le matua mai Tongatapu le isi, ma ua faamaonia o le dengue fever i lona Vaega 2 (Type 2).
E pei ona silafia o loo pepesi le faama’i lea i atumotu o le Pasefika ma ua fautuaina lava le faaeteete ma ia malupuipuia mai lea faama’i.
Fai mai le Matāgaluega o le Soifua Mālōlōina a Tonga e fā ituaiga o le dengue fever ua faamauina ma o loo feta’ua’ina foi se isi ituaiga fou ae silia ma le 500 tagata o loo faamaonia le aafia i lea faama’i i le atunuu.
Puna o Faamatalaga: https://www.rnz.co.nz/international/pacific-news/559496/tonga-s-health-ministry-confirms-two-dengue-deaths
