Ua faamavae le Palemia o Tonga, Hu’akavameiliku Siaosi Sovaleni a o lumana’i ai le faataunuuina o se palota o le lē faatuatuaina e pei ona faatū ai se lafo i le vaiaso talu ai.
O le amataga o le paea’iga a le Palemene i le asō sa fai ai le folasaga a le alii Palemia ma faailoa ai lana faai’uga ua faia e faamavae e fua i le faavae.
O lipoti mai le Matangi Tonga ua ta’ua ai ua mālōlō nei le Palemene a le atunuu mo le mālōlōga i le aoauli a o le’i toe amatalia i se taimi o le aoauli ma faia ai se feiloa’iga a le Palemia ma le autusitala.
I nisi lipoti ua ta’ua ai sana faamatalaga sa faia i le RNZ Pacific e faapea, o le aga’i ese ma le tofi o le auala sili lea mo Tonga i le aga’i i luma.
Sa ia faafetaia foi le aulagolago ia te ia ma le faamoemoe e iai se isi ta’ita’i e tula’i e ta’ita’i le malo mo le isi 10 masina a o le’i faia le isi palota tele.O nisi vaega o lana auaunaga i le tofi Palemia sa ia faailoa e aofia ai le faatūina o le Iunivesite Aoao a Tonga, le faia o se isi cable mo le initaneti ma le fausia o se falemai fou i Vava’u.
Puna o Faamatalaga: https://www.rnz.co.nz/international/pacific-news/536105/respect-his-decision-tonga-pm-hu-akavameiliku-resigns
