E tolu lelei gaoiga o loo faia iai suesuega a leoleo i le taimi nei i Aukilani e aofia ai ma se mataupu ua lipotia na faapā ai se fana i totonu o se kalapu.
A o lei ta le tasi i le vaveao ananafi na o ane ai se kulupu o tagata ma ni samala ma se fana i se kalapu i Great North Rd i Pt Chevalier a o iai i totonu le aufaigaluega.
Ta’ua e leoleo na faapā e se tasi o i latou ia le fana i totonu o le fale lea ma aafia ai se TV o loo iai, na o latou aveina tupe mai le till ma masini poka ma sosola ese.
Fai mai leoleo o le itu e faafetai ai e leai se isi na aafia ae talitonu o le kulupu lava lea e tasi na o latou osofaia foi se isi kalapu i Mt Albert i le Aso Lulu.
Fai mai na aveese mai ai foi tupe ma faafefe ai se tasi o le aufaigaluega.
O le osofaiga lona tolu o loo suesueina e aofia ai se nofoaga o se pisinisi i Mt Albert lava poo le tea o le 2 i le vaveao ananafi.
E oo atu i le toafitu tagata i le kulupu lea sa faaaupegaina i samala ma ulufale foi i lea nofoaga a o iai totonu le aufaigaluega ma sa o latou faafefe foi tagata na iai i lea nofoaga ma sosola ese ma ni meatotino mai lea fale.
Fai mai leoleo e matuai lē taliaina ia ituaiga amioga ma o loo faia suesuega.
