E tolu mafuie na lulu i le taeao nei i le pito i luga o le North Island.
Ripotia e le GeoNet o mafuie nei na amata faalogoina mai le toe 21 minute i le itula e 6 i le taeao nei.
O le mafuie muamua e 5.1 lona malosi ma e 7km lona loloto.
I nai minute mulimuli ane ae faalogoina le mafuie lona lua, 2.7 le malosi ma e faapea e vaivai, 5km lona loloto.
O le mafuie lona tolu e 2.7 foi lona malosi ma na faalogoina i le toe iva minute i le itula e 6, ma e 5km lona loloto.
Na fafagu ai ma le toatele o loo nonofo i Hamilton, Rotorua, Morrinsville, Te Awamutu, Tauranga faapea ai se vaega o Aukilani.
O le mafuie muamua o loo tele ina faamatalaina e le silia ma le 20,000 na faalogoina, e le gata e malosi ae na umi ona lulu.
