O lea ua faailoa mai nei le filifiliga a le pulega o le Lakapi a Niu Sila, e avea ai le susuga Scott Robertson ma faiaogaulu a le ‘au tele a le atunuu le All Blacks.
O lenei tofiga o le a amata faamamalu i le tausaga fou pe a mae’a le galuega a le alii faiaogaulu o loo iai pea i le taimi nei, Ian Foster lea o le a momoliina atu le All Blacks mo le taamilosaga o le Ipu a le Lalolagi i Falani ia Oketopa o le tausaga nei, 2023.
O se taimi muamua lenei ua agai ai le Lakapi a Niu Sila e muai faia se filifiliga o se faiaogaulu mo lana All Blacks a o lei mae’a se taamilosaga mo le Ipu a le Lalolagi.
O le susuga Robertson, e 48 tausaga o lona soifua, ma e faaono taimi o manumalo pea lana ‘au o loo faiaoga ai i taamilosaga o Super Rugby le ‘au malosi a le Crusaders talu mai le tausaga 2017.
O lea la ua faasauni atu nei Robertson e tauave le tofi faiaoga o le All Blacks i le tausaga fou ma tapena atu ai mo le taamilosagaa o le Ipu o le Lalolagi i le tausaga 2027.
Sa iai foi le matega i le alii faiaoga muamua o le Highlanders ae o loo aiaoga nei mo le aulakapi a Iapani, le susuga Jamie Joseph, peitai na lilifa lava le toatele i le susuga Robertson e pei ona ua tusi aao nei i ai le komiti faafoe a le Lakapi a Niu Sila, le NZ Rugby.
