O le tamaitai malu o le Malo ia Papalii Efo Moalele Lemana ua silia ma le 20 tausaga o lana tautua i le atunuu o se leoleo.
O le siitia ai o le numera o tamaitai e avea lenei matafaioi ma galuega e galue ai ua siitia ai e le Komesina o Leoleo le tualga o le tamaitai ia Papalii Efo e avea ma se tasi o Sui Komesina a le Matagaluega.
Ua toalua ai nei tamaitai ua avea ma Sui Komesina o le Matagaluega o Leoleo lea na mua’i filifilia ai le tamaitai ia Papalii Monalisa Tia’i Keti .
O le tuaā o le Sui komesina fou a le Matagaluega o se tamalii foi ua loa lana tautua i le Matagaluega o leoleo ma na maualuga foi lona tulaga le afioga ia Taimalelagi Baker Moalele. Sa avea o ia ma taitai leoleo ma na faauluulu foi iai tualga o aoaoga a le Matagaluega le Police Training.
O se vaega taua lea i le siitia ai o le numera o tamaitai ua iai le naunautaiga e avea ma leoleo e tauala atu ai le latou tautua i le atunuu.
