Ua tofia e le Kapeneta Sautiamaivasa Titimaea Tiotio e avea ma Ofisa Sili o Pulega o le Faalapotopotoga o fale a Samoa, mo le isi tolu tausaga.
E toalima i latou sa faia iai le filifiliga a le Komiti o Faatalanoaga. Na amata ona faigaluega mo le Samoa Housing Cooperation i le tausaga e 1999 seia oo mai i le taimi nei.
Na avea ma Ofisa Sili Lagolago i le tausaga 2020 a avea ai Matautia Rula Levi ma Ofisa Sili.
O Sautiamaivasa e mai afioaga o Safotu, Vaisala ma Aleisa, o loo ia umia le faailoga tau pisinisi ma sa aoaoaina i le Iunivesite Aoao o Samoa.
Ua faaipoipo ma e toalima ona alo.
