O Allan Bunting lea ua filifilia e avea ma le isi faiaoga o le ‘au a le Black Ferns Sevens lea na manumalo i le pine auro i le Olimipeka i Tokyo i le 2020.
Na agai ese ma lona tulaga lea i le mae’a o le Olimipeka ia avea ma faiaoga o le Chiefs Manawa ma o le a suitulaga ia Wayne Smith.
Faailoa e Bunting e lagona le faamaualalo i le tofiga ua tofia ai nei o ia ma o se taimi tāua foi e auai ai i le taamilosaga a tamaitai i le taitoafitu.
Na saunoa le Ofisa Sili o le NZ Rugby Mark Robinson e tautala lava galuega a le tagata ma ua talafeagai ai lea tofiga mo Bunting.
Ua faamaonia mai foi e Robinson o le Black Ferns e fitu ana taaloga o tests e faia i le tausaga nei e aofia ai ma le auai i le Pacific Four Series ma le Laurie O’Reilly Cup.
