Ua toeitiiti 20 afe tagata o loo umia fale ua feagai nei ma se faaletonu ua le mafai ai ona totogi i le taimi faatulagaina peimeni o nonogatupe mo ia fale.
E ta’ua mai i le lipoti a le Newshub e 26 pasene o tagata ua tuai ona totogi peimeni o mokesi ma ua oo atu i le 19,300 accounts ua tea aso sa tatau ai ona faia atu ni repayments.
O faamaumauga fou nei mai le Centrix ua faailoa ai ua faatupulaia foi le aofai o aitalafu i masina sosoo lava e 8 talu ai ma e le taumate ua amata ona tau fai faalogoina aafiaga o tulaga ua iai nei le tau o le soifuaga i tagata ma nai o latou aiga.
Fai mai le lipoti o se tasi itu ua maitauina o le faatupulaia pea lea o tagata ua le totogia peimeni mo taavale ma e foliga mai e faaauau pea ona faatupulaia lea tulaga i ni nai masina o lumanai ai.
