Ua toe valaau mai e faafoi atu ham o le Kerisimasi a se tasi o faleoloa a Countdown. O le valaau mai lea a le New Zealand Food Safety ma o ham nei na faatau mai i le Countdown i Spotswood i New Plymouth.
O le va o le aso 8 ma le aso 12 o le masina lenei o Tesema na faatauina ai ma o loo iai le aso e uma ai le aoga, 27/02/2023.
O le toe faafoi ua mafua lea i faaiuga o suesuega na faia ma maua ai e iai siama e ono mamai ai, ma e sau le tala e toe faafoi e le i iai ni ripoti o nisi ua afaina ai o latou soifua.
O loo mafai ona toe maua uma le tau na faatauina ai Free Farmed Half Leg Ham, ma o loo fautuaina foi e le Soifua Maloloina le vave vaai o se fomai poo le vili foi o le Health-line pe afai na taumafaina ma o loo popole i lou saogalemu.
