E nao le 16 tausaga o le tama talavou o loo tuuaia i le fasiotia o se tina matua e 70 tausaga na osofaia i fafo ane o le taulaga faatau i Redbank Plains i Brisbane. o le faalavelave na tupu i le aso 3 o Fepuari tausaga nei ma fetauaina e leoleo o lea tina na fasiotia ao gaoia lana taavale o le Hyundai Getz 2009.
O le mataupu la na valaauina i le faamasinoga o tamaiti i Ipswich i le aso ae lei manaomia ona tulai ai le o loo molia nao na faailoa ane e le faamasinoga i loia se poloaiga e tatau ai ona faailoa uma faamaoniga mai lea mataupu.
O le aso 26 o NOvema ua toe tolopo atu iai le faamasinoga.I totonu o ni nai masina talu ona fasiotia si tina matua lea na faia ai suiga e le faigamalo a Kuiniselani e faatatau i lea mataupu, ua faigofie ai ona teena le talosaga e tatala i tua i latou e molia i soligatulafono ma ia faataga le au faasalalau i mataupu e lotea i le faamasinoga o tamaiti.
Puna o Faamatalaga: https://www.9news.com.au/national/teen-accused-of-womans-murder-seeks-police-evidence/4dcaeb1c-fcd8-4a3c-8eb4-239874d1b992
