E toatolu fanauiti pepe na faamauina e le Matagaluega o le Soifua Maloloina i le vaiaso na tea nei le maua i le tinovale (malnutrition).
Faamaonia mai e le tamaitai fomai o Dr. Litara i le polokalame a le Matagaluega o le Samoa Maloloina e vaai ma le alofa i fanau o loo maua i lea tulaga.
Ta’ua e le tamaitai fomai, o Samoa e tele le meataumafa ma e lē tatau ona oo fanauiti pepe i lea tulaga.
Ta’ua e le tamaitai fomai, o le mafuaaga o le tulai mai o lea faafitauli o le lē faasusu o fanau i suasusu o le tina.
E lē gata i lea, o le lē faia o aiga fuafuaina o le tina, ma le sosoo lava o fanau a le tina ma e lei malosi lelei le pepe ae ua toe ma’itaga foi.
O le isi itu e afua ai lea faafitauli o le leai o se faatāua i le tumamā lautele i le siosiomaga o loo nonofo ai aiga.
Saunoa le tamaitai fomai o Dr. Litara e tatau i tina ona ave le faamuamua i le ola maloloina o fanauiti.
