E le o tagata uma na fiafia i le feau a le Inland Revenue na faia e aoao ai fanau ma le totogina o lafoga.

O le Tweet lenei o loo faatatau i le lafoga e totogi mai lole o loo maua mai le trick or treat o le Halloween.

O lea lafoga e faapea o le tasi vae tolu o lole o loo maua e fanau, ma e ui la o lea na faia ma le faamoemoe ia avea o se lesona, ae lei fiafia iai nisi ma iu ai ina toe aveese.

Saunoa le taitai o le ACT, David Seymour e lei fetaui lea i mafaufau o tagata o loo ui i le taugata o le tau o le soifuaga aemaise o le lagona ua na o le ave ma ave ae leai se mea e maua mai.