Ua toe faatumauina le tofiga o le alii faia’oga o Ian Foster i le ‘au a Niu Sila le All Blacks ina ua faamautu mai le faai’uga a le NZ Rugby ma o le a avea pea ma faiaoga e oo atu i le taimi o le Ipu o le lalolagi i le tausaga fou 2023.
O Joe Schmidt o le attack coach ma o le a fesoasoani ai i lea tulaga ma e eseese foi finagalo faaalia o le autusitala tau taaloga lakapi ua faailoa i tusitusiga i upega tafailagi.
O lona uiga o le a atili nei ona mata’ituina gaioiga a Foster mo le tapenaina o le ‘au i le Ipu a le lalolagi ma e manatu nisi o le tulaga aupito lelei ona ua faamatuu mai se faai’uga a le NZ Rugby ae se’i faaauau fuafuaga a le ‘au ma tapena mo ana taaloga o loma nei.
