Na tulai se tamā i luma o le faamasinoga maualuga i nisi o solitulafono ae o loo tuli foi le 40 tausgaa i le falepuipui.
O Savelio Mikaele, na tulai le taeao nei, ma faailoa le tulaga o loo tuli ai lona faasalaga i le falepuipui.
Ua toe tolopo i le Aso Gafua o le vaiaso fou, 13 o Mati le toe fofogaina o lana mataupu, ae lei tuuina mai se tali a lea tamā i ona moliaga.
Ua poloaia e le Faamasinoga leoleo ina ia tuuina atu uma faamatalaga e uiga i lenei mataupu aemaise ai le umi o le faasalaga lea o loo tuli, a o lei oo i le aso e toe fofoga ai lea mataupu.
O loo toe tulai lea tamā i le moliaga o le faamalosia o se tina ma sana tama. Faamalosi teine (rape). Taumafai e fai ni feusuaiga (attempt to rape). Faaoolima (assult). Faaoo manu’a tugā (GBH). Sootaga tau feusuaiga (connection with sexual).
O le vaiaso fou o le a toe tulai ai lē ua molia i luma o le faamasinoga maualuga.
