E $1,500 ua toe totogi ai e le Uber le e ana oloa ua fiu e tatali.
E silia ma le masina talu ai talu ona faatonu e se tamā Aukilani le taavale a le Uber e piki ma momoli lana faatau e tusa ma le $1,500 le tau, ma e oo mai i le taimi na sau ai lea tala ananafi e lei vaai lava iai.
O lea faatau e faapea sa piki mai Wiri e faamoemoe e momoli agai i Penrose, peitai na afe i Manukau ma o lea lava na matamata mai ai le e ana le oka i luga o le app.
E lei faigofie le tuliloaina o le pulega a le Uber i lenei mataupu e tusa ma molimau i tala a le Stuff, ma le tala o le avetaavale o lea sa konekarate na te faatinoina le auaunaga.
E ui i le tele o feuiaiga ma nofoaga na sulu iai le o loo finau mo lana oka e lei maua, ae o lea ua faatoese le Uber ma ua ia toe totogia ai le tupe na alu i le faatau o loo su’e.
