O se maliega ua faia i le va o le Origin Energy ma le faigamalo a Niu Sa Uelese lea o le a toe faatuai ai le tapunia o le nofoaga tele tau malosiaga i Ausetalia, Australia’s largest coalfired power station mo le isi lua tausaga.
O le Eraring Power Station i Lake Macquarie sa fuafua e tapunia i le tausaga fou 2025, o se vaega o fuafuaga a le malo e toe faasee atu agai i malosiaga faafouina renewable energy, malosiaga e maua mai le la ma le savili.
Lea la ua malilie le Origin Energy o le a toe faaumiumi atu lana tautua i le nofoaga lea seia aulia le 2027.
O le a tuuina la i le aufaigaluega se paketi e fesoasoani ai mai le Origin.
E 5 miliona se faaputugatupe ua faagaga e fesoasoani ai i komiuniti o le a aafia i le tapunia o lea nofoaga.
E manatu nisi o se laasaga toe foi i tua lea mo gaioiga o loo faia mo le faaitiitia o aafiaga o le tau i le siosiomaga i Ausetalia.
Puna o Faamatalaga: https://www.9news.com.au/national/eraring-power-station-nsw-government-to-delay-closes-of-origin-station-near-newcastle/8e741b81-13d3-4aa3-b547-58ca4c6696b3
