Ana mafai ona toe faafoi mai sa o le Koviti o le tausaga faato’ā uma atu, o le puupuu o tapu a Aukilani le suiga e faia e Chris Hipkins.
O manatu nei o lē sa avea ma minisita o le Koviti Chris Hipkins I luga o faatalanoaga ma le TVNZ a o toe mānatu ai i faai’uga na faia a o le’i suia lona tofiga ua iai nei o le minisita o leoleo.
Saunoa Hipkins e le’i faigofie i tagata Aukilani le tolu masina faai’u o le 2021, ma sa tatau ai i le malo ona o latou amana’iaina, o se faai’uga foi na ono iai le suiga sa tatau ona ia faia i lea taimi.
E ui i nei manatu, ta’ua e Hipkins o le faaumiumi o tapu o le Delta mo Aukilani e lē gata e mo le puipuia mai le pepesi o le Delta sa iai ae o se taimi foi na taumafai mai ai le unaia o le tui a o tapenapena ai i le sau o le Omicron.
O nei saunoaga o loo faatatau uma ia Aukilani ma ana lockdowns mai le 17 o Aokuso seia oo mai i le aso 2 o Tesema ma auaua’i mai ai suiga itiiti seia oo ina sa’oloto le tele o faatasiga ma galuega.
