E foliga ua toe maitauina foi e le au tusitala ma le toatele le le mafai ona faailo e le taitai o le itu agai, Anthony Albanese o nisi o vaega taua e ono a lana vaega faaupufai e faatatau I le NDIS ao faia se feiloaiga ma tusitala I le aso.
Ua upuia ai e nisi ona o le le silafia o nisi o vaega taua a lana vaega faaupufai I faiga faatosina o loo faagasolo nei ao lumanai ai le palota I le faaiuga o le masina nei.
O le vaiaso muamua o faiga faatosina sa gugulu ai foi le toatele ina ua galo ia Albanese le pasene o tagata le aufaigaluega o loo iai nei I le atunuu ma isi faamaumauga tau le tamaoaiga.
Fai mai a ia I sana tautalaga I le aso o loo fuafua ia palota tagata mo le Leipa ma ia maua ni sui a itiiti mai e 76 ole vaega faaupufai I le Maota o sui, ma afai ae tulai mai lea tulaga o le a ia faaaloalo e le gata I crossbenchers ae faapea foi I leisi itu o le Palemene.
O loo faauau pea I le aso faiga campaigns a vaega faaupufai.
