Ua toe ta’u isi tetee a tagata faigaluega a St John i le faai’uga o le masina lenei e mafua lava i ofo o totogi.
E 6 itula lea ua faamaonia mai o le a savavali ese ai tagata faigaluega a St John ma e amata faitau mai le taimi e amata ai sifi.
O le aso 27 ma le 30 o le masina lenei lea ua ta’u e faia ai, ma o tetee nei e lua ua toe ta’uta’u ma malilie iai le aufaigaluega ona e sau le isi ofo o le siitaga o totogi e lē o faamalieina ai lava.
Ua faamaonia mai e le sui o le iuni, o le siitaga ua toe teena e le aufaigaluega e sau e lē telē ma e lē lava ma afai ae leai lava se taunuuga manuia o lona uiga o le a to’atele lava foi sui o le aufaigaluega e faamavae.
Ae i se tali a St John, o loo galulue nei ma le malo i se faiga e siitia ai tupe o loo maua mai e faatupe ai lenei auaunaga.
Puna o Faamatalaga: https://www.rnz.co.nz/news/national/528010/hato-hone-st-john-ambulance-officers-will-strike-for-second-time
