O le aoauli a taeao o le a toe tatala ai le auala e agai i le matafaga i Piha.
O le tala mai lea a le Auckland Council i le mae’a ai o le silia ma le tolu masina talu ona tapuni.
O lologa na lolovaia ai Aukilani i le amataga o le tausaga faapea le tele o palapala solo lea na matuai iloga ona faaleagaina ma mulimuli ai tapunia ona ua le saogalemu.
O Piha o le matafaga e agai iai le toatele i Sisifo o Aukilani ma o lea sa na o tagata e nonofo i lea faaitu sa faataga ma i molimau a le sui o le council e lei fiafia iai le toatele,.
A o fai mai ai o le a toe faataga tagata tafafao i Piha e amata mai a taeao, o loo sau ai foi ma lapataiga e ono faaopoopo le taimi e taunuu ai i le matafaga a o faaaoga ai pea molī faasino ala e faasoasoa ai le feoai o taavale.
