O faigamalaga ile va o Melepone ma Niu Sila o le a toe tatalaina amata I le aso Gafua o muamua e pei ona faalauiloa e le premier o Vitoria, Daniel Andrews. Fai mai a ia o lea ua tuuina atu sana tusi I le palemia e faamaonia ai lea tulaga, o lona uiga o le a faimalga sao ane lava tagata mai niusila I melepone e pei ona sa Masani ai.
Ua atoa lelei le fitu aso sosoo e lei toe iai lava se tasi ua aafia ile koviti 19 i Vitoria poo se soifua foi e maumau ona o le faamai. Ole faamaoniga lea mai le ofisa o le soifua maloloina a le setete i le vaiaso nei.
I isi tala mai Niu Sau Uelese ua falepuipui nei mo le le itiiti ifo I le 10 tausaga se tasi alii ave taavale on ana mafua ai le faalavelave na fasiotia ai se tamaitai maitaga ma se teine talavou I Sini. O Richard Moananu 31 tausaga na ioeina ona moliaga e lua o le fasioti tagata paivalea ma le avetaavale ua mafua ai manuaga ile faamasinoga faaitumalo I Penrith I le vaiaso nei. E nao le toatasi na faasaoina mai le faalavelave ole toalua o le tina na maliu e suafa ia Bronko Hoang. O le faalavelave na tupu I le 2018
