Ua lipotia mai nei le toe tatalaina ai o se vaega o le auala le (State Highway 29) i luga o le Kaimai Ranges na tapunia ona o se faalavelave tau taavale na tula’i mai i le taeao analeila.
Na amata tapunia lea faaitu e amata mai i le va o le SH28 ma Hanga Road, i Matu lava o Kaimai.
Mai lea faalavelave ua lipotia mai e le 1News, e tasi se tagata o loo i se tulaga tigāina, ma na faanatinati ona avatu o ia i le falema’i o Tauranga.
O le isi to’alua na aafia foi i le faalavelave o loo lipotia mai e lē o iai i se tulaga tigāina.
Ua faafetaia e leoleo le mamalu femalagaa’i mo le onosa’i a o taumafai ai e tali atu i lenei faalavelave.
Ma ua fautuaina le to’atele ina ia ave ma le faaeteete taavale a o iai i taimi o le loulouā o le tau.
Puna o Faamatalaga: https://www.1news.co.nz/2025/05/09/sh29-over-kaimai-ranges-reopens-following-crash-that-injured-6/
