Ua tuana’i le masina o Oketopa o lenei tausaga sa amata faaaogā ai le faletalimalo o le Sheraton Hotel i Vaisigano i Apia a o feagai le atunuu ma lana taligamalo o le Fono a Malo o le Taupulega, ae o lea ua faailoa nei le toe tatala aloa’ia o lea pisinisi tau faletalimalo sa tapunia mo le silia i le lua tausaga e amata mai i le pepesi o le faama’i Koviti-19 i le tausaga e 2020.

E 8 tesimale 5 miliona tala Amerika na toe faaleleia ai nisi o vaega o le faletalimalo a o tapunia, se’ia oo ina faaauau i galuega mo le toe siitia o lana auaunaga a o loma le Fono a Malo o le Taupulega.

O se tasi lea o atina’e tau tagata tafafao e tu i le taulaga o Apia ma ua iai avanoa e 175 e nonofo ai tagata tafafao e aofia ai potu ma fale poo bungalows e 23.

Ua umia nei e le malo o Samoa le 30 pasene o sea o lea faletalimalo lea ua faatau ma umia e se tagata faipisinisi mai Asia.