Ua toe valaau tagata Afghan sa galulue ma le ami a Niu Sila e tuu atu se avanoa e mafai ai ona ulufale mai I Niu Sila ao fia sosola ese mai ai ma pulega a Taliban
Ripotia e le TV1 o loo faailoa mai e nei tagata faigaluega o loo lalafi ma o latou aiga I totonu o ana
O le augani a se tasi sa avea ma sikulati, aua nei galo atu I latou ma o le toe valaau mai ai ua sau ai I le maea fasiotia o le toatasi na iai fesootaiga ma le ami a Niu Sila lea sa I Afghanistan
O nisi o loo fia o ese mai sa fesoasoani e faaliliu, ma e faapea na le mafai ona faatalosagaina o latou visa e o ese mai ai ona sa leoina e le Taliban le itumalo lea sa lalafi ai
O lea ua tapunia le avanoa na tatala atu I tagata Afghan e faatalosaga ai mo visa e ulufale mai ai, ma e silia ma le 1300 visa na talia, ae na o le 586 I latou ua I totonu nei o Niu Sila
Mai le minisita o femalagaiga, Kris Faafoi o loo taumafai e vave aveesea mai I latou ua maea talia visa
