Ua sui mafaufau o matua o le pepe ma ua le mananao e faia le taotoga o la laua tama.
O le taeao ananafi na faamanino mai ai e le loia o loo tu mo matua e le mananao e faaaoga toto foaia e tagata sa faia tui o le Koviti i le taotoga o la laua pepe, e la te le apiliina le faaiuga a le faamasinoga.
Peitai ua faateia ina ua toe sau tala anapo ua leva le afiafi ua toe sui mafaufau o matua.
O le taotoga o le taeao nei ma e faapea a o tapena ai le aufaigaluega a le falemai i Aukilani ananafi, na faalavelave matua ma faafefe le aufaigaluega o le tagata lava e pa’i i la laua tama o le a ave i le tulafono.
Lipotia e le 1News na tapa ai loa ma le fesoasoani a le ofisa o leoleo.
Mai le faamasino o lana faaiuga na faia e tuuina atu ai i le soifua maloloina le malosiaga e faia ai le taotoga o loo tatala pea mo le faatalosagaina e itu uma e lua lona toe iloiloina, peitai e ese le auala lea ua toe tatala ai nei.
E le o suia le faaiuga a le faamasinoga ma mai le faamasino e faatumau lea mo le manuia o le pepe 4 masina o loo moomia vave togafitiga o le fatu, ma e le tatau ona faalavelave le itu tetee i galuega a le aufaigaluega.
O le taeao nei o loo faatulaga ai le taotoga.
