Ua lapataia le au tafafao na agai atu i Coromandel e toe foi i aiga a o faatali ai aso e lima sosoo o le a louloua ai le tau i lea vaega o le atunuu.
O lea na sau le feau vave mai le council a le itumalo a Coromandel e tapena mo timuga mamafa ma savili malolosi lea o le a lavea ai foi ma le Bay of Plenty.
O timuga mamafa nei o loo fuafua o le a amata pa’ū i le taeao nei.
E ese mai Coromandel o lea foi ua sau lapataiga mo Northland ma Aukilani.
O lea foi ua le taunuu ma le koneseti a le UB40 na fuafua e faia i Tauranga.
