O nisi o suesuega fou sa faatautaia e le Finder ua faailoa mai ai o le toatasi mai tagata e toafā e tusa lea ma le 4.8 miliona o tagata faigaluega ua toe sailia nisi galuega faaopoopo ma umi atu foi itula faigaluega ina ia tau faalava ai le faasoa i lenei taimi o le taugata o le soifuaga.
Fai mai le suesuega o loo faaauau pea ona agai i luga le tau o taumafa ma le eletise aemaise le totogiina o mokesi ma falemautotogi ma ua faigata mo le toatele o tagata i lenei tausaga.
Pe tusa ma le 3 pasene o tagata ua o latou faailoa ua leai se isi mea e mafai ae fai loa le gaioiga lea o le sue o nisi galuega faaopoopo e fesoasoani ai i le mau mea o loo manaomia ona totogi.
Ua maua foi i le suesuega o le tele o aiga ua tau fai saili se isi alagatupe faaopoopo e fesoasoani i tupe maua i vaiaso taitasi.
